amalinks wokungena

Breaking News

UMnu. Chombo Umisa Uhambo Lweziphathamandla Zamakhansili Olokuyaqeqetsha eMelika


UMnu. Ignatious Chombo umphathintambo wogatsha lukahulumende olubona ngezabelo umise iziphathamandla zekhansili yeMasvingo, Bulawayo, Harare, Plumtree, le Ruwa obekumele ziyeqeqetsha e Washington DC, Baltimore, Providence, leChicago.

Uhulumende usemise oMayor lezinye izisebenzi zamakhansili amahlanu elizweni obekumele zivakatshele eMelika esithi lolu hambo lulendleko enkulu yemali okumele incede kunhlelo zikazulu ohlala kula amadolobho.

UMnu. Ignatious Chombo umphathintambo wogatsha lukahulumende olubona ngezabelo umise iziphathamandla zekhansili yeMasvingo, Bulawayo, Harare, Plumtree, le Ruwa obekumele ziyeqeqetsha eWashington DC, Baltimore, Providence, leChicago.

Abameli besigodlo seMelika eZimbabwe batshele iStudio 7 ukuthi uhambo lolu beluzancedisa amakhansili ekuqhubeni imisebenzi yawo. Uhulumende weMelika ubebhadelele loluhambo ngaphandle kwemali zokuhambisa. Umsekeli kaMnu. Chombo uMnu. Cecil Zvidzai usole kakhulu isenzo sikaChombo.

Umayor wedolobho lako Bulawayo, uMnu. Patrick Thaba-Moyo obekumele aze eMelika lomabhalane walikhansili uMnu. Middleton Nyoni utshele uSithandekile Mhlanga weStudio 7 ukuthi wemukele incwadi ngolwesibili ntambama imisa uhambo lwakhe.

XS
SM
MD
LG