amalinks wokungena

Breaking News

UMnu. Itai Dzamara Ohlala Etshengisela UKuthi UMUgabe Asuke Uthunjiwe


U-Itai Dzamara intathelizindaba ekhokhela uhlelo lokutshengisela olweOccupy Africa Unity Square

Intathelizindaba, uMnu. Itai Dzamara, osekhokhela inhlanganiso ye Occupy Harare Unity Square uthunjwe ngoMvulo ekuseni egelwa inwele zakhe ngabantu abangaziwayo.

UDzamara, obenxuswe ukukhuluma emhlanganweni webandla leMDC-T ngeSonto, eHarare, uselesikhathi etshengisela eAfrica Unity Square esithi uMongameli Robert Mugabe akasuke esihlalweni.

NgeSonto uDzamara utshele umhlangano we MDC-T ukuthi yena labanye bakhe bazimisele ukungena ezitaladeni betshengisela ukuthi uMugabe asuke esihlalweni.

Usebotshwe waphinda watshaywa kanengi nengi, kodwa kayekeli ukutshengisela lokhu athi kujonge ukususa uMongameli Mugabe esihlalweni.

Omunye wabenhlanganiso ye Occupy Harare Unity Square, uMnu. Charles Nyoni utshele iStudio Seven ukuthi abantu abahlanu laba abathumbe uDzamara bacatshangelwa ukuthi ngamapholisa ensitha aweCIO.

please wait

No media source currently available

0:00 0:02:01 0:00
Lapho esitholakala khona

XS
SM
MD
LG