amalinks wokungena

Breaking News

'UMnu Gedion Gono Sephelelwe Ngumphako Yikho Selawula Ngohlelo Lwe Indigenization'


Umphathintambo wogatsha lwezabatsha lenhlelo zokunothisa abensundu uMnu. Saviour Kasukuwere uthi uMnu. Gideon Gono usibalukhulu webhanga elikhulu lelizwe eleReserve Bank of Zimbabwe usephelelwe ngumphako yikho selawula ngodaba lohlelo lwe indigenization.

U Kasukuwere uthi uGono uyaziwa ngokugida eziqakezela ngakho-ke akasoze alalele akukhulumayo ikakhulu ngokuthi uhlelo lwe indigenization kumele lumiswe.

Abakwaziyo ngokwenzakalayo bathi ukuphoselana aqhatha kuka Kasukuwere lo Gono kutshengisa ukuthi kulokuxokozela phakathi kwebandla le Zanu PF ngohlelo lwe indigenization.

UMnu. Bekithemba Mhlanga ingcwethi ecubungula ezenotho lezombusazwe utshele uGibbs Dube we Studio 7 ukuthi mathathu amaqembu alwisanayo kubandla le Zanu PF ngakho-ke amadoda la alwela abantu abafuna isikhundla sikaMongameli Robert Mugabe.

‚Äč
XS
SM
MD
LG