amalinks wokungena

Breaking News

UMnu. Jonathan Moyo Usekhethwe Ukuba kuJOMIC yiZanu PF


UMoyo usethethe isikhundla sikaMnu. Kembo Mohadi, umphathintambo wendaba zaphakathi kwelizwe

Ibandla leZanu PF selikhethe owayengumphathintambo wezembiko, uMnu Jonathan moyo ukuthi abe lilunga lekhomidi ebona ngokufezwa kwenhlelo zikahulumende womanyano, iJOMIC. UMoyo uzathatha isikhundla sikamphathintambo wezenzakala elizweni, uMnu. Kembo Mohadi.

UMoyo ukhethwa kulandela ukuvuma kwakhe ukuthi wapha iziphathamandla zikahulumende weMelika imbono yakhe, kunye lenye inkokheli yalelibandla egoqela abasekeli bakaMongameli, uNkosikazi Joyce Mujuru loMnu. John Nkomo ekhomba ukuba uMongameli Mugabe sekumele atshiye umsebenzi ayeziphumulela.

UMoyo, olilunga ledale leZanu PF elimqoka, elePolitburo, usezamela iZanu PF ku JOMIC elo Nkosazana Oppah Muchinguri uMnu. Nicholas Goche loMnu. Patrick Chinamasa. Ingcwethi ecubungula ezombusazwe, uMnu. George Mkhwananzi, utshele iStudio 7 ukuthi uMoyo kasoze ephathise ikhomidi ye JOMIC.

XS
SM
MD
LG