Umkhokheli wohlangothi lwabatsha kubandla elibusayo le South Africa, iANC, uMnu. Julius Malema, usukume eZimbabwe ngoMvulo elubhekise kibo kodwa ubikwa engenzanga umhlangano lentathelizindaba njengalokhu kade kukhangelelwe. Abakade beqoqe uhambo lukaMalema babikwa behluleke ukuhlela inhlelo zakhe okubangele ukuthi lendizamtshina abekade ehamba ngayo icine imtshiya waze walandela ngendizamtshina ye Air Zimbabwe.
UMalema ubikwa ebelomhlangano loMangameli Mugabe. Lanxa iStudio 7 ingenelisanga ukuzwa okukhulunywe
kulumhlangano abazi ngokwenzakalayo bathi uMugabe loMalema baxoxisane ngodaba lokuthuthukisa abensundu.
UChris Gande weStudio 7 uxoxe lomgcinisihlalo wecele leMDC ekhokhelwa nguMnu. Arthur Mutambara, uMnu. Ngqobutho Dube khonale eSouth Africa ukuze sizwe imbono yakhe ngaloludaba.
