amalinks wokungena

Breaking News

UMnu. Michael Sata Ufungiswa Ukuba Ngumongameli weZambia Ngemva Kokunqoba UMnu. Rupiah Banda


Inhlanganiso ezizimeleyo, inkokheli yamabandla ezombusazwe, kanye labantu abantu makhaza eZimbabwe bathi kufanele ilizwe lithathe isibonelo esihle eZambia sokuthi obengumongameli avume ukuthi unqotshiwe njalo aqhubele omnqobileyo intambo zombuso kungela dlakela

UMnu. Michael Sata webandla le Patriotic Front Party, onqobe obengumongameli walelolizwe uMnu. Rupiah Banda kukhetho lokudinga umongameli eZambia, ufungiswe ukuba aqalise umsebenzi wokuba ngumongameli walelolizwe ngolweSihlanu.

Inhlanganiso ezizimeleyo, inkokheli yamabandla ezombusazwe, kanye labantu makhaza eZimbabwe bathi kufanele ilizwe lithathe isibonelo esihle eZambia esokuthi obengumongameli avume ukuthi unqotshiwe njalo aqhubele omnqobileyo intambo zombuso kungela dlakela.

Uzulu waseZimbabwe usebheke ngamehlo abomvu ubudlelwano bamazwe womabili njengoba uMongameli Sata, ubikwa eke wasola umkhokheli welinye lamacele eMDC, uMnu. Morgan Tsvangirai esithi usetshenziswa ngamazwe aphetsheya njalo wancoma uhlelo lukamongameli Mugabe lokwabiwa kutsha komhlaba.

Kodwa uNkosazana Thabitha Khumalo isiphathamandla salelibandla utshele uSithandekile Mhlanga weStudio 7 ukuthi ibandla lakhe likhangelele ukusebenzelana lo Mongameli Sata.

XS
SM
MD
LG