amalinks wokungena

Breaking News

EleZimbabwe Lizathengisa Amadayimana Enjiwa eMarange Kungelamigoqo Lanxa Kungelamvumo:Mpofu


uMnu. Mpofu ubikwa esole isiphathamandla se European Union kule inhlanganiso, uMnu,Stephane Chardon kanye lenhlanganiso ezizimeleyo ngokubuyisela eleZimbabwe emuva.

Emhlanganweni wenhlanganiso ye Kimberley Process Certification Scheme osaqhubeka eKinshasa eDemocratic Republic of Congo, umphathintambo obona ngezemigodi uMnu. Obert Mpofu ubikwa esole isiphathamandla seEuropean Union kule inhlanganiso, uMnu,Stephane Chardon kanye lenhlanganiso ezizimeleyo ngokubuyisela eleZimbabwe emuva, wagcizelela ukuthi ilizwe lizazithengisela amadayimana enjiwa eMarange kungela migoqo.

UMnu. Shamiso Mtisi, isiphathandla senhlanganiso ye Zimbabwe Environmental Law Association osemhlanganweni lo, utshele iStudio 7 ukuthi uMpofu usekelwe ngomunye wakhe weSouth Africa uNkosikazi Susan Shabangu kuphela ngoba iziphathamandla zamanye amazwe zimangaliswe ngamazwi akhe okuthuka abanye.

UMpofu utshele iStudio 7 ngolweSibili ukuthi amazwe aphetsheya, emanyene lenhlanganiso ezizimeleyo, ancindezela eleZimbabwe ngoba engafuni ukuthi umnotho walo uphumelele ngenzuzo yokuthengisa amadayimana enjiwa eMarange kungelamigoqo.

UMnu. Sam Ncube isiphathamandla se Affirmation Action Group uthi inhlanganiso yakhe iyasekela ukuthuthukiswa kwamazwe labantu abansundu kodwa kufanele kusetshenzelwane kungathukwana.

‚Äč
XS
SM
MD
LG