amalinks wokungena

Breaking News

UMnu. Paul Siwela WeMthwakazi Liberation Front Usesele Yedwa Entolongweni


Amagqwetha eAbammeli asola ukubandlululwa kwabathathu laba ngamanye amagqwetha lenhlanganiso ezilwela ilungelo loluntu

Inhlanganiso ye Amnesty International lamuhla isole kakhulu isenzo samapholisa esokwethesa uMnu. Abel Chikomo, umqondisi wenhlanganiso elwela amalungelo oluntu eye Zimbabwe Human Rights N.G.O Forum elokuthi inhlanganiso yakhe isebenza ngokungekho emthethweni.

UChikomo uyaliphika lelicala esithi inhlanganiso yakhe yabhaliswa kulandelwa imithetho yelizwe njalo isebenza lezinye ingatsha zikahulumende ebezingasoze zisebenze lenhlanganiso engekho emthethweni.

Kusenjalo amagqwetha e Abammeli Human Rights Network athi aselindele isinqumo somthethwandaba we Supreme Court ukuthi uMnu. Paul Siwela ilunga le Mthwakazi Liberation Front uzavunyelwa na ukukhululwa nge sibambiso se bail njengabanye bakhe uMnu. Charles Gumbo loMnu. John Gazi abakhululwe izolo.

Inhlanganiso ye Matabeleland Liberation Front ikhankasela ukuthi isizwe sikaMthwakazi sizibuse, njalo amagqwetha eAbammeli asola ukubandlululwa kwabathathu laba ngamanye amagqwetha lenhlanganiso ezilwela ilungelo loluntu.

UMnu. Matshobana Ncube igqwetha, utshele uSithandekile Mhlanga we Studio 7 ukuthi uMnu. Siwela uncitshwe i bail ngoba eke wabotshwa ngecala elifanayo ngomnyaka ka 2004.

XS
SM
MD
LG