Owake waba yisikhulumeli sikamanisipala wakoBulawayo, uMnumzana Phathisa Nyathi usekhethwe ukukhokhela ikhomidi ebonga ngohlelo lokulethwa kwamanzi womfula uZambezi esigabeni seMandebeleni. Lokhu kwaziswe ngumphathintambo wezamanzi, uMnumzana Sam Sipepa Nkomo emhlanganweni awenze lentathelizindaba koBulawayo ngolweSihlanu.
Umhlangano lo wenzwe ngemva komunye omkhulu owenzwe lugatsha lolu lezinye ingatsha zikahulumende, amakhansili kunye lezinye inhlanganiso ezinenginengi eziphathelane lamanzi lentuthuko kazulu.
UNkomo utshele uChris Gande oweStudio 7 ukuthi sebethole njalo inkampani
yaphetsheya ezaqoqa uhlelo lokudinga imali yokufeza uhlelo lolu.
