Umphathintambo wogatsha lukahulumende olubona ngezemali uMnu. Tendai Biti
wabele inhlangothi ezitshiyeneyo zikahulumende ezikhangelane
lezokuthuthukisa inotho ye lizwe izigidi ezilikhulu zamadollar eMelika-
US$100 million. Imali le ingaphansi kohlelo lwenhlanganiso ephathisa
amazwe womhlaba ngemali eye International Monetary Funds-IMF olwe Special
Drawing Rights, okuyimali eyaphiwa i Zimbabwe engaba yizigidi
ezingamakhulu amahlanu zamadollar eMelika-US$500 million.
U. Biti uthi imali le izasetshenziswa ukulungisa imgwaqo, ukuphathisa amankampani
ehluleka ukuzithuthukisa, ukulungisa isititshi sikagetsi ehwange kanye
lokukhangela ezamanzi ahluphayo ko Bulawayo.
UMnu, Japhet Moyo, umsekeli womkhokheli wenhlanganiso yezisebenzi eye Zimbabwe Congress of Trade
Unions uthi akulaqiniso ukuthi limali izasetshenziswa njani.
Kunjalo nje, uMnu Biti uthi eleZimbabwe kumele lizibonele lingathembi emazweni
entshonalanga ukuthi alihlenge ebunzimeni elikubo.
Kodwa umsekeli kamphathintambo wezokudlelana kweZimbabwe lamanye amazwe womhlaba, umnu.
Moses Mzila Ndlovu uthe akwenzakali ukuthi ilizwe leZimbabwe lisuke ebunzimeni elikbo kungelancedo lwamanye amazwe.
