Inhloko kahulumende uMnu. Morgan Tsvangirai ukhuthaza amazwe angeznasi kwezwekazi leaFrica awe SADC ukuthi aqinise imizamo yokuthi abantu abasemaphandleni labo bethole amanzi okunatha ahlanzekileyo njengalabo abasemadolobheni.
UTsvangirai ukhulume la amazwi emhlanganweni wabampathintambo leziphathamandla zamazwe eSADC ezibona ngomsebenzi wokutholisa uzulu amanzi oqalise ngolweSine waphela ngolweSihlanu ko Bulawayo
Ezinye iziphathamandla ebezikulo umhlangano zigoqela ezivela eZambia, Tanzania, Mozambique, Democratic Republic of Congo leNamibia.
Umphathintambo obona ngenhlelo zamanzi eZimbabwe uMnu. Samuel Sipepa Nkomo utshele uSithandekile Mhlanga we Studio 7 ukuthi umhlangano lo unqume ukuthi wonke umuntu osesigabeni se SADC athole amanzi ahlanzekileyo ngomnyaka ka 2016.