amalinks wokungena

Breaking News

UMnu. Tsvangirai Ulubhekisa eTanzania leDRC Edinga Usekelo Phambilini Komhlangano WeSADC Troika NgoLwesine


UTsvangirai ukhangelelwe ukuhlangana lo mongameli Jakaya Kikwete we Tanzania, kanye lo we Democratic Republic of Congo uMnu. Joseph Kabila ngodaba olufanayo,

Inhloko kahulumende uMnu. Morgan Tsvangirai uhlangane lomangameli Hifikepunye Pohamba we Namibia, eWindhoek ngoMvulo, emchasisela ngodlakela oluselizweni kanye lokwephulwa kwezinqumo zokubunjwa kukahulumende womanyano, athi kubangelwa libandla leZANU PF.

UTsvangirai ukhangelelwe ukuhlangana loMongameli Jakaya Kikwete we Tanzania, kanye lo we Democratic Republic of Congo uMnu. Joseph Kabila ngodaba olufanayo, njalo wenza lokhu ngaphambilini komhlangano weSADC Troika ozaqhutshwa ngoLwesine oluzayo, okhangelelwe ukuhlafuna udaba lweZimbabwe lezinye.

UMnu. Kabinga Pange, umgcinisihlalo wekomidi ebona ngezombusazwe lezomvikela kumanyano we SADC, ugcizelele ukuthi kulamazwe amathathu awezwekazi le Africa, alengxabangxoza okufanele ixazululwe.

UMnu. Walter Nsununguli Mbongolwane ingcwethi ecubungula ezombusazwe, utshele uSithandekile Mhlanga we Studio 7 ukuthi uMnu. Tsvangirai kufanele alungisese udaba lweZimbabwe ephakathi kwelizwe.

XS
SM
MD
LG