amalinks wokungena

Breaking News

UMnu. Tsvangirai Usola Amapholisa Lebandla LeZANU PF Ngodlakela Oluqhamuke Elizweni


Umkhokheli welinye lamacele eMDC uMnu. Morgan Tsvangirai lamuhla usole amapholisa esithi yiwo abangela ukungahlaliseki elizweni ngendlela aqhuba ngayo umsebenzi kulandela ukuqhamuka kodlakela duzane lemahofisini akhe e Harvest House eHarare izolo.

Umkhokheli welinye lamacele eMDC uMnu. Morgan Tsvangirai lamuhla usole amapholisa esithi yiwo abangela ukungahlaliseki elizweni ngendlela aqhuba ngayo umsebenzi kulandela ukuqhamuka kodlakela duzane lemahofisini akhe e Harvest House eHarare izolo.

Ekhuluma lentathelizindaba eHarare, uMnu. Tsvangirai uthe umongameli Robert Mugabe kufuze asebenzise amandla akhe njengomkhokheli welizwe ukubona ukuthi kulokuthula elizweni.

Uphinde wathi kufanele umongameli Robert Mugabe atshiye umsebenzi ngoba esegugile njalo sokusobala lokuthi kaphilanga emzimbeni.

Kunsukwana ezedluleyo uMnu. Tsvangirai walelwe ukuqhuba imhlangano labalandeli bakhe kwezinye izigaba ze Matabeleland North, njalo kube lezehlakalo zodlakela kumaviki edluleyo phakathi kwamalunga e ZANU PF lawebandla lakhe kwamanye amalokitshi eHarare.

Kusenjalo, inhlanganiso ezizimeleyo sezethule imbiko zisithi azithakazeleli indlela amapholisa aziphatha ngayo ngoba kusobala ukuthi athatha uhlanganothi nxa kuqhamuke udlakela phakathi kwamalunga ezombusazwe.

UMnu. Alois Dzvairo, isiphathamandla senhlanganiso ye National Constitutional Assembly, uSithandekile Mhlanga weStudio 7 ukuthi inhlanganiso yakhe izaqhubeka ngohlelo lwayo lwe “Act Now Against Political Violence” ngendlela yokukhankasela ukuthula elizweni.

XS
SM
MD
LG