Inhloko kahulumende uMnu. Morgan Tsvangirai usole udlakela oluselizweni kanye lokuziphatha kwamapholisa lebutho nxa eqhuba umsebenzi.Wathi uzakhweza loludaba kweinye inkokheli kahulumende womanyano.
UTsvangirai ubekhuluma emhlanganweni obuqoqwe zinhlanganiso ezizimeleyo kanye lamabandla ezombusazwe eHarare mgolweSibili, zona ebezisola okwenzakala kuhulumende womanyano, udaba lokhetho, kanye lendlela uhlelo lwesisekelo sombuso esitsha eqhutshwa ngayo.
UMnu. Thabani Nyoni, umqondisi we Bulawayo Agenda utshele uSithandekile Mhlanga weStudio 7 ukuthi umhlangano wangolweSibili wandulele owangoMvulo lapho inhlanganiso ezizimeleyo kanye lamabandla aphikisayo agoqela iZapu le MDC99 abavumelane ukuthi uTsvangirai azochasisa ngaloludaba.