Icele le MDC eselikhokhelwa nguMnu. Welshman Ncube ligqibe umhlangano walo omkhulu owenziwa kanye ngemva kweminyaka emihlanu eHarare lisithi uMongameli Mugabe kumele asuke esikhundleni. Lelibandla liphinde lahlasela elinye icele elikhokhelwa nguMnu. Morgan Tsvangriai lisithi likhokhelwa ngamaqhalaqhala.
Isikhulumeli selinye icele, uMnu. Nelson Chamisa uphange wathi uNcube uyazehlulekela njengomuntu owanqotshwa kukhetho lokudinga amalunga edale lephalamende osesazakala ngokuthola ubukhokhekheli ngomkhotho.
Emazwini akhe okugqiba umhlangano uNcube uncome uMnu. Arthur Mutambara esithi utshengise ubukhokheli obuqotho ngokumtshiyela isikhundla, okungakaze kwenziwe yinkokheli yeZimbabwe.
Emhlanganweni munye imizamo kaNcube yokuguqula igama lebandla lakhe ukuthi lithiwe Congress of the Movement of Democratic Change ibikwa yehlule. Sixoxe loNcube sambuza ukuthi njengoba esekhethiwe kuyini asekukhangelele ukwenza kulelibandla.