UMongameli Jacob Zuma wakwele South Africa ongumlamlankuzi kudaba lweZimbabwe uthi nxa ezombusazwe zingalungisiswanga elizweni kungaqhamuka udlakela njengalokhu osokunzakala emazweni angentshonalanga yezwekazi le Africa.
Iphephandaba le The Sunday Times lakwele South Africa lithi libone incwadi ethunyezwele uMugabe labanye bakhe abakuhulumende womanyano ngu Zuma. Leli phephandaba lithi uZuma uthi osekwenzakele emazweni anjenge Tunisia, Egypt lempi ekwele Libya kuyisibonelo sokuthi inkokheli yezombusazwe eZimbabwe kumele ilimuke.
Ingcwethi kwezombusazwe, uMnu. Walter Nsununguli Mbongolwane utshele u Chris Gande weStudio Seven ukuthi imbono kaZuma ngodaba lweZimbabwe icacile njalo iliqiniso.