amalinks wokungena

Breaking News

UMnu.Paul Siwela WeMthwakazi Liberation Front Useze Wakhululwa Ngesibambiso SeBail


Idale laphezulu ele Supreme Court lethule isinqumo sokuthi omunye wabakokheli be Matabeleland Liberation Front, uMnumzana Paul Siwela akhululwe entolongweni yase Khami Prison lapho avalelwe khona kusukela ngo Mbimbitho lonyaka kulandela ukubotshwa kwakhe esetheswa icala lokuzama ukugenqula uhulumende kamongameli Robert Mugabe.

Idale laphezulu ele Supreme Court lethule isinqumo sokuthi omunye wabakokheli be Matabeleland Liberation Front, uMnumzana Paul Siwela akhululwe entolongweni yase Khami Prison lapho avalelwe khona kusukela ngo Mbimbitho lonyaka kulandela ukubotshwa kwakhe esetheswa icala lokuzama ukugenqula uhulumende kamongameli Robert Mugabe. Kubika uThomas Chiripasi ese Harare….

Kusenjalo, inkokheli yenhlanganiso ye Mthwakazi Liberation Front ese South Africa ithi uMnu. Siwela ulakho ukukhululwa ngoLwesihlanu entolongweni ye Khami nxa kungabanga lengxaki ngoba izathumela imali yesibambiso efunekayo khona ngoLwesihlanu ekuseni.

Isikhulumi salinhlanganiso UMnu. David Magagula uthi inhlanganiso yakhe ayenelisanga ukuhlawulela ngesikhathi ilunga layo uMnu. Charles Thomas inkulungwane ezimbili zamadollar eMelika- $2,000 ye bail ngoMabasa ngoba kungalula ukuthumela imali eZimbabwe.

Imali le ize yabhadalwa licele le MDC elikhokhelwa nguMnu. Welshman Ncube, uThomas eseke wahlala amalanga ambalwa eKhami elindele linhlawulo.

UMagagula utshele uSithandekile Mhlanga weStudio 7 ukuthi inhlanganiso yakhe izathumela enye imali yokuthi uSiwela, yena osesibhedlela se Khami, ayehlolwa njalo elatshwe ngodokotela abazimeleyo.

XS
SM
MD
LG