Iwofisi kaMongamneli Robert Mugabe siveze ukuba uMongameli Mahmoud Ahmadinejad weleIran uzakwethekelela kweleZimbabwe kumaviki amabili alandelayo njalo nguye ozavula umbukiso walonyaka weZimbabwe International Trade Fair.
Lokhu kuvezwe ngumabhalane kaMongameli Mugabe uMnu George Charamba ngoLwesine. UMnu Ahmadinejad usolwa kakhulu ngamazwe afana leAmerica leBritain ngenxa yenhlelo zakhe zokulungisa izikhali ze nuclear.
Wetheswa njalo umlandu wokuba nguntando kayiphikiswa kanye lokuqilibezela kukhetho lwanyakenye. EleIran lazakala kakhulu njalo ngokwephula amalungelo kazulu.
Ohlaziya ezombusazwe uMnu Mlamuli Nkomo utshele uNtungamili Nkomo weStudio 7 ukuthi ukuza kukaAhmadinejad eZimbabwe akumangalisi ngoba yena loMugabe bezimbila zantabanye.
