amalinks wokungena

Breaking News

UMongameli Bingu waMtharika weMalawi Kasekho


UMongameli Bingu Wamtharika wakwele Malawi, oqaleke ngolweSine ngemva kokutshaywa yi stroke, ubikwa engasekho. Kodwa umsekeli wakhe, onguye olakho ukuthatha intambo zombuso, uNkosikazi Joyce Banda utshele izizalwane zelizwe lakhe ukuthi abakaziswa ngokusemthethweni wathi nxa engezwa ukuthi ukusimo bani uWamtharika akiso uzakwazisa uzulu.

Imbiko evela emaphephandebeni akwele Malawi ithi abanye bathabile besithi nxa efile kuzabayinto enhle ngoba bebengasawuthakazaleli umbuso wakhe. IStudio 7 ixoxe lengcwethi ecubungula ezombusazwe, uMnu. Qhubani Moyo opha imbono yakhe.


Kunjalo nje, imfa ka Bingu Wamtharika nxa ingabe yenzakele ngempela, iyabe ize ngemva kokwakhulunywa ngumprofita uTB Joshua wakwele Nigeria. UJoshua ubethe kuzakufa omunye wabakhokheli bezwekazi le Africa ngenyanga kaMabasa kodwa wangamqambi igama lakhe. Lokhu kudale ukuxokozela abanye sebecabangela abakhokheli asebengamaxegu ngezansi yeAfrica.

UChris Gande weStudio 7 uxoxe lengcwethi kwezamasiko, olikholwa lesi Kristu njalo engumlobi odumileyo, uMnu. Isaac Mpofu ukuze sizwe imbono yakhe ngaloludaba.

XS
SM
MD
LG