UMongameli weleBotswana uMnu Seretse Khama Ian Khama secele amazwe afakela uMongameli Mugabe labanye bakhe izijeziso ukuthi esule izijeziso lezi.
UMnu Khama wethule amazwi la eseSouth Africa ngoLwesibili ngemva kokwenza umhlangano loMongameli Jacob Zuma.
UKhama wazakala kakhulu ngokusola umbuso kaMugabe lokukhuthaza ukujeziswa kwakhe leziphathamandla zeZanu PF.
Kodwa ngoLwesibili uKhama uthe uyasuthiseka ngenguquko esibekhona eZimbabwe, wathi ngalokhu, izijeziso kumele zesulwe.
UMongameli Zuma laye ugcizelele isicelo sakhe sokubana zesulwe lezizijeziso, esithi zenqabela ingqubelaphambili.
Ingcwethi ecubungula ezombusazwe uMnu Mqondobanzi Magonya utshele uNtungamili Nkomo weStudio 7 ukuthi kaboni amazwe afakela uMugabe izijeziso elalela inkuthazo kaKhama.
