amalinks wokungena

Breaking News

UMongameli Mugabe Uchothoza iMelika Ekunanzweni Kwelanga Lamaqhawe


Ekhuluma emkhosini wokunanza ilanga lamaqhawe e Heroes Acre ngoMvulo, UMongameli Robert Mugabe uphinde njalo wachothoza amazwe akumanyano weEuropean Union lele Melika ewethesa umlandu wokwala ukwesula izijeziso azethulela iziphathamandla zeZanu PF.

UMongameli Mugabe wethule insolo efanayo ngesikhathi kuncwatshwa udadewabo uNkosazana Sabina Mugabe ngeviki edluleyo. USabina unikezwe inhlonipho yeqhawe, waba ngowesifazana owesithupha ukubekwa e Heroes Acre.

Umbuthano wangoMvulo ungenwe yiziphathamandla zikahulumende ezigoqela inhloko kahulumende uMnu Morgan Tsvangirai labasekeli bakhe uNkosazana Thokozani Khupe loMnu Arthur Mutambara. NgoLwesibili kunanzwa imisebenzi yabakubutho lakwezomvikela iDefence Forces Day.

Kunanzwa ilanga lamaqhawe eZimbabwe, ababengamasotsha lamapholisa asebehlala kwele South Africa bona bakhuthaze abasasele kwezomvikela ukuthi baphikisane lomkhuba wokusetshenziswa ekuhlukumezeni uzulu.

XS
SM
MD
LG