UMongameli Robert Mugabe uthumele amazwi enduduzo emulini yakoNdiweni kulandela ukutshona kwenduna uKhayisa Ndiweni, weNtabazinduna, obhubhe ngoLwesithathu. UNdiweni ubeliminyaka engamatshumi ethoba munwe munye
lasikhombisa-97. Emazwini akhe enduduzo uMugabe uthe imuli kanye lesizwe silahlekelwe ngumuntu obengumcebisi olungileyo kwezombusazwe.
Inhloko kahulumende, uMnu. Morgan Tsvangirai laye uthumele amazwi enduduzo esithi umuyi wayengumuntu olondoloza amasiko esintu. UNdiweni waqala ezombusazwe ngeminyaka yabo 1960. Ezinye izakhamizi zesigaba seMandebeleni sezithandabuza amazwi kaMugabe enduduzo zisithi esaphila wayengela budlelwano obuhle lomuyi.
UChris Gande oweStudio uxoxe lowake waba ngukhansila wedolobha lakoBulawayo, uAlderman Charles Mpofu ukuze sizwe imbono yakhe ngaloludaba.