amalinks wokungena

Breaking News

UMongameli Mugabe Uguqula Uluhlu Lwabaphathintambo Bakahulumende


Jonathan Moyo
Jonathan Moyo

UMongameli Robert Mugabe namhla uguqule uluhlu lwabaphathintambo olutshiye uMnu. Jonathan Moyo, owayngumphathintambo wezokwethulwa kwemibiko esephethe ezemfundo yaphezulu.

Osephethe isikhundla lesi nguNkosikazi Prisca Mupfumira. Obengumphathintambo wezabelo, uMnu. Ignatius Chombo nguye osekhangele ezendaba zekhaya kuthi kade ephethe lesi sikhundla uMnu. Kembo Mohadi usengumphathintambo wezokuvikelwa kwesizwe. UMnu. Savior Kasukuwere obekhangele ezamanzi usenguye ozaphatha ezezabelo.

UNkosikazi Nyasha Chikwinya sengumphathintambo wezabesifazane. Osezakuba ngumphathintambo wesigaba se Mashonala East nguMnu. Ambrose Mutinhiri. Abaphathintambo laba bahle bagcotshwa namhla ngumongameli Mugabe.

UChris Gande weStudio Seven uxoxe lesikhulumeli sebandla leMDCT, uNkosazana Thabitha Khumalo othi Uluhlu lukaMongameli Mugabe lolu alusoze lulethe inguqu empilweni kazulu.

Kunjalo nje, uChris Gande uphinde waxoxa lengcwethi kwesombusazwe, uMnu. George Mkhwananzi ukuze sizwe imbono yakhe ngaloludaba.

please wait

No media source currently available

0:00 0:01:58 0:00
Lapho esitholakala khona

XS
SM
MD
LG