amalinks wokungena

Breaking News

UMongameli Mugabe Uhlangana LoMongameli Teodoro Obiang Nguema Wakwele Equitoria Guinea


Ababili laba zimbila zantabanye ngoba besalela esikhundleni

UMongameli Mugabe, obesemazweni entshonalanga ubikwa equme ikhefu lakhe wagijimela ekhaya ukuyahlangana loMongameli Teodoro Obiang Nguema Mbasogo wakwele Equitorial Guinea. Ababili laba bahlangane ngolweSibili baxoxisana okwamahola ayisithupha. Ngemva kwalumhlangano uNguema wethulele intathelizindaba okunye abakuxoxileyo walandula ukuthi kuphathelane lomanyano we African Union. Yena uMugabe kakhulumanga lutho ngemva komhlangano lo.

UNguema ubonge uMugabe ngokubopha amalwecatsha ayevela kwele South Africa efuna ukuyamgengqula esihlalweni.

Isikhulumeli secele leMDC ekhokhelwa nguMnu. Welshman Ncube, uMnu. Nhlanhla Dube utshele iStudio 7 ukuthi lanxa ele Equitorial Guinea lilemigodi yamafutha ezimota kaboni uhambo luka Nguema luphathisa eleZimbabwe ngaphandle nje kokuba ababili laba zimbila zantabanye ezingafuni ukutshiya izihlalo.


Silokhu sikudaba lunye, ingcwethi ecubungula ezombusazwe, uMnu. Dumisani Nkomo utshele uChris Gande weStudio 7 ukuthi uhambo luka Obiang luzaphathisa uMongameli Mugabe ukuthi afunde ngokwalela esikhundleni kodwa edlelane lamanye amazwe.

XS
SM
MD
LG