UMongameli Robert Mugabe usole umanyano we African Union esithi ufana lenja ekhonkothayo kuphela ingelamazinyo wokuluma.
UMugabe wethule lamazwi emhlanganweni we AU obusenzelwa kwele Ethiopia. UMugabe, ofike ngoMvulo ntambama ekhaya evela kwele Ethiopia uthi inhlanganiso ye AU yehluleke ukuhlenga uMongameli Mommar Ghadafi lapho ehlaselwa ngamazwe entshonalanga ekhokhelwa ngumanyano we NATO.
Wengeze wathi ukungaphathisi uGhadafi sekuzakupha igunya amazwe entshonalanga ukuthi ahlasele langubani wezwekazi le Africa ngoba esazi ukuthi inhlanganiso ye AU kayisoze ingenele.
UChris Gande weStudio 7 uxoxe lengcwethi ecubungula ezombusazwe, uMnu. Dumisani Nkomo opha imbono yakhe ngaloludaba.