amalinks wokungena

Breaking News

UMongameli Obama Unikeza AbeWoza Isicoco Senhlonipho


UMongameli Barack Obama weMelika ngoMvulo unikeze inhlanganiso yeWoman of Zimbabwe Arise (WOZA) isicoco senhlonipho yeRobert Kennedy Human Rights Award esigodlweni sakhe, seWhite House eWashington DC.

Owamukele isicoco lesi yisiphathamandla salinhlanganiso, uNkosazana Jennifer Williams. UNkosazana Magodonga Mahlangu, laye oyisiphathamandla seWoza unikezwe isicoco esiqondane laye esinanza umsebenzi wakhe wokukhankasela ukuhlonitshwa kwamalungelo kazulu eZimbabwe.

UMongameli Obama uncome uMahlangu loWilliams ngomsebenzi wabo esithi batshengisa ukuzinikela okukhulu ngokulwisama lombuso kaMongameli Robert Mugabe, wona awuchaze njengombuso ongakhululekanga.

UMnu Obama uthe uNkosazana Mahlangu ngumuntu olesibindi esikhulu oqale ukulwisana lombuso kaMongameli Mugabe ngesikhathi seGukurahundi, lapho ibutho leFifth Brigade elangenela khona abantu bemaNdebeleni labulala abantu abedlula inkulungwane ezingamatshumi amabili (20 000).

UNkosazana Mahlangu ngokwakhe utshele uBrenda Moyo weStudio 7 ukuthi inhlonipho abayiphiweyo ibapha idlabuzane lokuthi baqhubeke bekhankasela ukuhlonitshwa kwamalungelo kazulu, ikakhulu abesifazane.

‚Äč
XS
SM
MD
LG