amalinks wokungena

Breaking News

UMongameli Robert Mugabe Uthembisa Ukwengezelela Izisebenzi Zikahulumende Iholo


Ekhuluma lentathelizindaba ngemva kwalumhlangano, uMugabe ubikwa emangele ukuthi izisebenzi lezi zithola iholo eliphansi kangaka. wathi kumele zithole iholo elithe xaxa ukwenzela ukuthi zingacini zigila imikhuba yokungathembeki ukwengezelela imali

Umongameli Robert Mugabe uhlangene lezisebenzi zikahulumende ngolweSithathu wazithembisa ukuthi uzakwenza konke okusemandleni akhe ukuthi zengezelelwe iholo ngoNhlangula. Isisebenzi esihola imali ephansi kakhulu eledlula kancane ikhulu lamadollar-i$128 sithenjiswe ukuthola ingxenye yemali ye Poverty Datum Line yona edlula kancane amakhulu amahlanu-$502.00.

Ekhuluma lentathelizindaba ngemva kwalumhlangano, uMugabe ubikwa emangele ukuthi izisebenzi lezi zithola iholo eliphansi kangaka. Wathi kumele zithole iholo elithe xaxa ukwenzela ukuthi zingacini zigila imikhuba yokungathembeki ukwengezelela imali.

Kodwa umphathintambo wogatsha olubona ngezisebenzi zikahulumende, uMnu. Eliphas Mukonoweshuro utshele uSithandekile Mhlanga weStudio 7 ukuthi ukwengezelelwa iholo kwezisebenzi zikahulumende kuqhutshwa kusukela ehofisini yakhe kuphela.

UMnu. Sifiso Ndlovu, isiphathamandla se Zimbabwe Teachers Association of Zimbabwe uthi umhlangano lo Mongameli Mugabe uqhutshwe ngoba ukukhulumisana lezinye iziphathamandla zikahulumende sokwehlule.

Ukuhlaziya udaba lolu sixhume isiphathamandla sePTUZ njalo engumbalisi uMnu Vusumuzi Mahlangu ekoBulawayo loMnu Jaston Mazhale laye ongumbalisi esebenzela eGwanda.

Ababili laba bathi lanxa besamukela isithembiso sikaMugabe ngokukhwezwa kweholo, lokhu kungaba kuyindlela kaMugabe yokudinga usekelo njengoba ilizwe libhekane lokhetho.

XS
SM
MD
LG