amalinks wokungena

Breaking News

UMotlanthe LoBiden Baxoxa Ngenxabanxoza EseZimbabwe


Umsekeli kamongameli wele Melika uMnu. Joe Biden uhlangane lomunye wakhe we South Africa uMnu. Gkalema Motlanthe izolo eWhite House lapho abaxoxe ngokutshiyeneyo okugoqela ingxabangxoza ese Zimbabwe, Cot d’Ivore, Libya le Sudan.

Umsekeli kamongameli wele Melika uMnu. Joe Biden uhlangane lomunye wakhe we South Africa uMnu. Gkalema Motlanthe ngolweSithathu eWhite House lapho abaxoxe ngokutshiyeneyo okugoqela ingxabangxoza ese Zimbabwe, Cot d’Ivore, Libya le Sudan.

Amaphephandaba e South Africa athi iziphathamandla zalelolizwe zidinga usekelo kumagumbi amane omhlaba ukuthi lelo lizwe kube yilo elakhayo njalo eliphatha umbukiso we Square Kilometer Array Telescope, umtshina olamandla okubona okwakusenzakala ekadeni.

Udaba lweZimbabwe lubikwa kuyilo obelusegudwini ngesikhathi uMongameli Jacob Zuma ekhangelelwe ukubamba ngamandla uMongameli Robert Mugabe ukuthi ananze ilungelo loluntu kube lokhetho olukhululekileyo elizweni.

UMnu. Effie Dlela -Ncube, ingcwethi ecubungula ezombusazwe utshele uSithandekile Mhlanga we Studio 7 ukuthi kufanele ukuthi ingxabangxoza eseZimbabwe icutshungulwe ngamazwe amanengi omhlaba ukwenzela ukuthi ilungisiswe.

XS
SM
MD
LG