Umphathintambo wezabatsha, uMnu. Saviour Kasukuwere uthi inhlanganiso zabatsha kazimelanga zenze inhlelo zokukhuthaza lokufundisa abasakhulayo ngokuqakatheka kokuthi babhalise amagama kuluhlu lwabalelungelo lokuvota engaziswanga.
UKasukuwere ubikwa esetshele inhlanganiso yeYouth Forum ukuthi imise uhlelo lwayo ngesiphangiphangi.
UMnu. Bekithemba Nyathi, umgcinisihlalo wohlangothi lwabasakhulayo kucele leMDC elikhokhelwa nguMnu. Morgan Tsvangirai koBulawayo, utshele uChris Gande weStudio 7 ukuthi bona bayaqhubeka ngohlelo lwabo olukhangelele ukulobisa amagama abasakhulayo abedlula inkulungwane ezingamatshumi amahlanu kuluhlu lwe voters’ roll.