amalinks wokungena

Breaking News

Umthetho We Indigenisation Usuhlolisiswa Lidale LeCabinet


Umthetho ophathelane lezamabhizimusi owe Indigenisation and Economic Empowerment Act ubikwa usucutshungulwa kakutsha yikomidi yedale le Cabinet, ngoba uqale ukusetshenziswa ngesi-phangi phangi ungakahlolisiswa.

Lokhu kugcizelelwe ngumphathintambo obona ngezokuthengiselana lamanye amazwe, uMnu Welshman Ncube, ekhuluma emhlanganweni labanini bamabhizimusi eHarare ngolweSithathu.

UNkosazana Thabitha Khumalo, umsekeli wesikhulumi secele le MDC elikhokhelwa nguMnu. Morgan Tsvangirai utshele uSithandekile Mhlanga we Studio 7 ukuthi ukucutshungulwa kutsha komthetho lo kuyadingeka ukwenzela ukuthi umnotho welizwe uthuthuke.


Kunjalo nje umanyano wenhlanganiso ezimela amabhizimusi elizweni, oweBusiness Council of Zimbabwe ulobele inhloko kahulumende uMnu. Morgan Tsvangirai incwadi ekhonona kakubi ngomthetho we Indigenisation lo isithi uxotsha osomabhizimusi abangaba lesifiso sokusungula amankampani eZimbabwe.

Encwadini le, yona esezandleni zeStudio 7 njalo elotshwe mhlaka 18 ngenyanga edluleyo, okhokhela umanyano lo, uMnu Victor Gapare uxwayise uTsvangirai ukuthi asebenzise amandla akhe njengenhloko kahulumende ekhuphe umthetho lo.

Ungezelele wathi uhulumende kumele akhulumisane lomanyano wakhe kanye labosomabhizimusi ngomthetho we indigenization ungakasebenzi.

‚Äč
XS
SM
MD
LG