amalinks wokungena

Breaking News

Umthetho WeIndeginisation Sudabule Uhulumende Phakathi


Umthetho weIndeginisation and Economic Empowerment Act usulethe ukudonselana okukhulu kuhulumende womanyano.

Lanxa icele leMDC elikhokhelwa nguMnu Morgan Tsvangirai lisithi umthetho lo sumisiwe kancane ukusebenza, uMongameli Mugabe wethule umbiko ngoLwesithathu esithi akuqondanga lokhu.

Kodwa uMugabe uvumelane leMDC ekuthini iziqondiso zomthetho lo zisakhangelisiswa nguhulumende.

Iziqondiso lezi, esezidala ukufuthelana zithi abanikazi bamankampani amakhulu abavela kwamanye amazwe kumele bathengisele osomabhizimusi beZimbabwe abansundu isilinganiso sokungamatshumi amahlanu lanye ekhulwini-51% samankampani abo.

Idale labampathintambo eleCabinet lona livumelene ngoLwesibili ukuthi iziqondiso lezi kumele zikhangelisiswe njalo kuguqulwe okuthize okungahlelwanga kuhle.

Lanxa imbiko ethulwe yiMDC loMugabe phezu komthetho lo ikhanya isehlukana, ingcwethi ecubungula ezombusazwe uMnu Rejoice Ngwenya uthi amabandla la akhuluma mlomo munye.

‚Äč
XS
SM
MD
LG