amalinks wokungena

Breaking News

Umthetho wePOSA Awusoze Uguqulwe - Chinamasa


Umphathintambo wezemithetho uMnu Patrick Chinamasa uthi uhulumende kasoze aguqule umthetho wePublic Order and Security Act (POSA) ngoba ungephuli ilungelo loluntu njengokutsho kweMDC.

UMnu Chinamasa wethule amazwi la emhlanganweni weUnited Nations oqhutshelwe kweleSwitzerland ngoMvulo kuhlaziywa ngezamalungelo oluntu emhlabeni jikelele.

Uthe njalo umtetho weAccess to Information and Protection of Privact Act (AIPPA) lawo awusoze uguqulwe.

Umthetho wePOSA usetshenziswa ngamapholisa ukubopha lokuhlukuluza amalunga eMDC kanye labalwela amalungelo oluntu.

I AIPPA yona isetshenziswa ukuhlukuluza intathelizindaba ezichothoza uhulumende.

Amalunga eMDC alethe inguquko kuPOSA yapasa edale lephalamande kodwa umthetho lo wehlulekile ukupasa kuSenate yona elamalunga eZanu PF amanengi ukwedlula aweMDC.

Umkhokheli weMDC ekhokhelwa nguMnu Welshman Ncube edale lephalamende, uMnu Edward Mkhosi uthi ibandla lakhe alivumelani lamazwi kamnu chinamasa.

Omela iMatobo kudale leSenate uNkosikazi Sithembile Mlotshwa, olilunga leMDC ekhokhelwa nguMnu Morgan Tsvangirai uthi ukupasa imitetho kuSenate kuyabanzimela ngoba bebalutshwana kuleZanu PF.

XS
SM
MD
LG