Umthethwandaba weHigh Court lamuhla uphe isinqumo sokubana udaba lokumiswa kokhetho lukamlawuli wedale lephalamende lulahlelwe khatshana.
Loludaba lukhwezwe emthethwandaba ngomnyaka ka 2008 ngumeli weTsholotsho North edale lephalamende oselilunga leZanu PF, uMnu. Jonathan Moyo, endawonye lamanye amalunga ebandla leMDC elikhokhelwa nguMnu. Arthur Mutambara abathi oMnu. Moses Mzila Ndlovu, Siyabonga Malandu Ncube lo Patrick Dube ababesithi ukhetho aluqhutshwanga okusemththweni ngoba amalunga ecele leMDC elikhokhelwa nguMnu. Morgan Tsvangirai batshengisa
amavoti abo umsekeli kaMongameli walelibandla uNkosazana Thokozani Khuphe.
Umahluli, u Bharat Patel, uthe lanxa kulobufakazi bukamabonakude obukhomba ukuthi babetshingisa amavoti abo akula obunye ubufakazi obutshengisa ukuthi babanjwa ngamandla ukwenza lokhu. UChris Gande weStudio 7 uxoxe lengcwethi kwezomthetho, uMnu. Job Sibanda ukuze sizwe imbono yakhe ngaloludaba.
