amalinks wokungena

Umthethwandaba Uthi UMnu. Tsvangirai Engasa UMongameli Mugabe Emthethwandaba

  • Chris Gande

Umthethwandaba we High Court eHarare wethule isinqumo sokuthi inhloko kahulumende, uMnu. Morgan Tsvangirai ulakho ukusa uMongameli Mugabe emthethwandaba phezu kodaba lokukhetha kwakhe osibalukhulu bezigaba engacebisananga laye.

UTsvangirai wethula loludaba ngomnyaka ka 2010 ngemva kokuba uMugabe ekhethe osibalukhulu bezigaba ezilitshumi engacebisananga laye njengalokhu okumunyetwe yisivumelwano sikahulumende womanyano.

Umahluli, uMnu George Chiweshe, uthe lanxa isisekelo sombuso welizwe sisithi uMongameli kangeke wasiwa emthethwandaba ulakho ukusiwa nxa udaba luphathelane laso isisekelo.

UChris Gande weStudio 7 uxoxe lengcwethi kwezemithetho, uMnu. Kucaca Phulu ochasisa ukuthi kahlekahle umthetho uthini ngaloludaba.



XS
SM
MD
LG