amalinks wokungena

Breaking News

Umththwandaba Uvumeza iZCTU Ukuthi Itshengisela


ZCTU

Umthethwandaba waphezulu owe High Court usuphe inhlanganiso yezisebenzi, eye Zimbabwe Congress of Trade Unions, imvumo yokutshengisela ngoMgqibelo usithi amapholisa akala lungelo lokwalisa lokhu kutshengisela.

Kwesatshelwa ukuthi kungaqhamuka udlakela ekutshengiseleni lokhu ngoba kulenhlanganiso ezisekela ibandla le Zanu PF ezithi zizatshaya abantu abazatshengisela.

Enye yalezinhlanganiso, eyabasakhulayo ethiwa Zimbabwe Youth In Action yethesa inhlanganiso ye ZCTU icala lokusebenzelana lebandla le MDC-T kodwa iyalandula lokhu isithi ifuna nje ukutshengisela isola indlela uhulumende aphatha ngayo izisebenzi.

IZCTU ithi njalo iyanxusa wonke umuntu okhonona ngokonakala komnotho welizwe hatshi izisbenzi nje kuphela.

Linhlanganiso iqoqa lokhu kutshengisela elizweni lonke jikelele isola inkuthazo kahulumende yokuthi izisebenzi kakumelanga zengezelelwe iholo lonyaka, ukonakala komnotho welizwe lokungananzi izikhalazo lamalungelo ezisebenzi.

UChris Gande weStudio Seven uxoxe lonobhala jikelele weZCTU, uMnu. Japhet Moyo ukuze sizwe okunengi ngaloludaba.

please wait

No media source currently available

0:00 0:01:09 0:00
Lapho esitholakala khona

XS
SM
MD
LG