Umthethwandaba wezisebenzi, owe Labor Court, usunqume ukuba owayengumhleli wephephandaba le The Daily News, uMnu. Geoff Nyarota, ahlawulwe inkulungwane ezedlula amakhulu amathathu amadola- $364 000, ngokuxotshwa umsebenzi okungela sizatho. Inkampani ye Associated Newspapers of Zimbabwe yaqatsha uNyarota, owayesehlala kweleMelika, ukuthi azosebenzela linkampani eyake yamxotsha ngomnyaka ka 2003.
UNyarota nguye owasungula inkampani yeANZ esiphiwe amalanga amathathu ukuthi iphe izizatho ezingenza ukuthi ingahlawula limali.
UChris Gande weStudio 7 uxoxe lomgcinisihlalo wenhlanganiso ebona ngelungelo lentathelizindaba, iMISA – Zimbabwe, uMnu. Njabulo Ncube othi inkampani yeANZ yehluleka ukuphatha kuhle udaba luka Nyarota.
