UMongameli Robert Mugabe usesole amazwe angentshonalanga esithi aqhubeka ngezijeziso zenotho lanxa sokulohulumende womanyano. Esethula amazwi akhe emhlanganweni wokuguquka komkhathi eCopenhagen kwele Denmark uMugabe uthe kuyamangalisa ukuthi amazwe angentshonalanga angenisa ezombusazwe kudaba lokulondoloza ezemvelo wapha njengesibonelo isikhwama semali ephiwa amazwe omhlaba, ese Global Environmental Fund athi eminyakeni emithathu edluleyo iZimbabwe iphiwe isigidi esisodwa nje kuphela.
UMugabe, okhatshwe liqula elilabantu abangamatshumi ayisithupha uhlangabezwe ngamalunga enhlanganiso ezibona ngelungelo loluntu ebezitshengisela zisithi uMugabe kamelanga abe kulo umhlangano. UChris Gande weStudio 7 uxoxe leqwetha elilwela ilungelo loluntu, uNkosazana Anna Moyo ukuze sizwe imbono yakhe ngaloludaba.
