amalinks wokungena

Breaking News

UMugabe Udinga Usekelo Kunkokheli YeSADC


Ibandla leZanu PF beliphakathi kokudinga usekelo kunkokheli yamazwe asezansi yezwekazi leAfrica ngempelaviki ngaphambilini komhlangano wamazwe angezansi kwezwekazi leAfrica aweSadc ngoLwesihlanu, ozahlaziya udaba lweZimbabwe.

UMongameli Mugabe uthumele umphathintambo obona ngezomvikela uMnu Sydney Sekeramayi ukuyahlangana loMongameli Armando Guebuza wakweleMozambique mayelana lomumo elizweni.

USekeramayi utshele uGuebuza ukuthi into zonke zihamba kuhle, waphika lodlakela okuthiwa lubangelwa yiZanu PF.

Umphathimtambo obona ngezomvikela uMnu Emmerson Mnangagwa yena uhambise umbiko munye kweleAngola kwathi umsekeli wakhe uMugabe uMnu John Nkomo wahambisa umbiko ofanayo kuMongamelio Ian Khama weleBotswana.

Umhlangano wangoLwesihlanu ukhangelelwe ukuhlaziya udaba lweZimbabwe, kukhangelwa ikakhulu umhlahlandlela wokhetho.

Omela icele leMDC elikhokhelwa nguMnu Welshman Ncube kunkulumo, uMnu Moses Mzila Ndlovu utshele iStudio 7 ukuthi ibandla lakhe lifuna iSadc ibambe uMugabe ngesandla esilukhuni kulumhlangano.

XS
SM
MD
LG