amalinks wokungena

Breaking News

UMugabe Ulandula Imbiko Yokuthi Impilakahle Yakhe Ayimanga Kuhle


UMongameli Mugabe selandule imbiko ethi uhambo lwakhe ezwekazi leAsia ngeviki edluleyo belungolokuyabona odokotela bakhe ababikwa bemelapha umkhuhlane wemvukuzane, iprostate cancer.

Iphephandaba leStandard libike ngeSonto ukuthi uMugabe ubeyebonana labodokotela bakhe eSingapore.

Kodwa ekuphendukeni kwakhe, uMugabe uthe ubeyebona indodakazi yakhe, uBona Mugabe kweleChina lapho afunda khona.

Imbiko ekhitshwe yiWikileaks ngenyanga edluleyo iveze ukubana usibalukhulu webhanga elikhulu lelizwe uMnu Gideon Gono watshele abameli beMelika eZimbabwe ukuthi uMugabe ulemvukuzane yamaphambili njalo ulakho ukufa umnyaka ka2013 ungakafiki.

Kodwa uMugabe uyakulandula lokhu. Uzulu yena uthi iziphathamandla zikahulumende kumele ziveze impilakahle yazo emphakathini.

Umsekeli wenhloko kahulumende uNkosazana Thokozana Khupe uveze kunyanga ezedluleyo ukuba ubulawa yimvukuzane yebele njalo umlawuli wedale lephalamande uMnu Lovemore Moyo uthi ulesifo setshukela.

Ingcwethi ecubungula ezombusazwe uMnu Effie Dlela Ncube uthi okwenziwe nguMakhupe loMoyo ngumzekeliso omuhle omele ulandelwe nguMugabe labanye kuhulumende.

XS
SM
MD
LG