UMongameli Robert Mugabe ubikwa eselaye umphathintambo wezemali uMnu Tendai Biti ukuthi eqalise ukuqoqa imali ezasetshenziswa ukuqhuba ukhetho oluzayo.
UMnu Biti utshele iphephandaba leZimbabwe Independent ukuthi uhlangane loMugabe ngoLwesibili bakhuluma ngodaba lokhetho lolu.
UBiti uthi okwamanje ilizwe kalilamali njalo uthi kudingakala izigidi ezingange zilikhulu zamadollar eMelika-US$100 million, ukuqhuba ukhetho.
Wengeze wathi ukhetho lwesisekelo sombuso esitsha olwe Referendum lalo luzadinga imali efanayo, okutsho ukuthi kumele aqoqe izigidi ezingamakhulu amabili zamadollar eMelika-US$200million.
UMongameli Mugabe loMnu Morgan Tsvangirai bahlezi bekhuthaza abasekeli babo ukuthi bahlale belindele ukhetho ngomnyaka ozayo.
Kodwa ingcwethi ecubungula ezombusazwe uMnu Brilliant Mhlanga utshele uNtungamili Nkomo weStudio 7 ukuthi ilizwe alikalungeli ukhetho.
