UMongameli Mugabe sesole idale leInternational Criminal Court ngokudinga ukubopha uMongameli weleSudan uOmah al-Bashir esithi kungani umthethwandaba lo ungabophi owake waba nguMongameli weMelika uMnu George W. Bush lowake waba yinhloko kahulumende kweleBhilithani uMnu Tony Blair.
Ekhuluma emhlanganweni weEuropean Union-Africa Summit kweleLibya ngoLwesibili, uMugabe uthe iICC kumele ibophe u Blair loBush, esithi badala amacala okubulala kweleIraq baze bethumele amabutho abo ukuyagenqula umbuso kamuyi uMnu Sadam Hussein.
Ngokungabophi ababili laba, uMugabe uthe umthethwandaba weICC uveza sobala ukuba ulobandlululo. IAfrican Union layo isola kakhulu iICC ngokudinga ukubopha uBashair.
Abanengi eAfrica bathi umthethwandaba lo ukhanya uqophe ikakhulu inkokheli yeAfrica. Ukuhlaziya amazwi kaMugabe sixhume ingcwethi ecubungula ezombusazwe uMnu Brilliant Mhlanga.