amalinks wokungena

Breaking News

UMugabe Uthi iZimbabwe Ayiludingi Uncedo Lwamanye Amazwe


UMongameli Mugabe uthi eleZimbabwe kaliludingi uncedo oluvela emazweni agoqela iMelika leBhilithani, esithi uhulumende kumele atshiyane lamazwe lawa ecanda ubudlelwano obuqinileyo lamazwe angempumalanga afana leChina.

Amazwi kaMugabe la aza ngesikhathi uhulumende womanyano ephakathi kokukhulumisana lenhlanganiso yeEuropean Union ngodaba lokuvuselelwa kobudlelwano beZimbabwe lamazwe akulinhlanganiso bona obubhidlike eminyakeni edluleyo.

UMugabe wethule amazwi la ngoLwesine ekhuluma emhlanganweni weZanu PF Central Committee. Wengeze wathi eleZimbabwe lilizwe elilenotho ebanzi kwezemvelo elakho ukuncedisa kudaba lokuvuselelwa komnotho.

Usole inhlanganiso yeKimberly Process ngokungathathi isinqumo sokuvumela iZimbabwe ukuthengisa amadayimana enjiwa eMarange. Uthe iZimbabwe ilakho ukuwathengisa amadayimana lawa kungelani lokuthi iKimberly Process ayikalinikezi imvumo yokwenza lokhu.

XS
SM
MD
LG