UMongameli Mugabe wethesa umphathintambo wezemali, uMnu. Tendai Biti, icala lokuzipha amandla engezelelweyo alingana lakamongameli ngokwala kwakhe ukupha imali imisebenzi yokulima leyamankampani ayabe esezavalwa, ikakhulu akoBulawayo. Esethula amazwi akhe emhlanganweni awenze lezinduna esigabeni seManicaland uMugabe uthe kumele ukhetho lwenziwe ngesiphangiphangi ngoba uBiti engelambono efana leyebandla leZanu PF.
Obona ngokuqoqwa kwenhlelo zebandla leMDC ekhokhelwa nguMnu. Morgan Tsvangirai, uMnu. Nelson Chamisa utshele iStudio 7 ukuthi imbiko kaMugabe ngeyokudinga nje usekelo phambilini kokhetho.
Ingcwethi ecubungula ezombusazwe, uMnu. Walter Mbongolwane uvumelane lembono kaChamisa kungxoxo ayenze loChris Gande weStudio 7.