UMongameli Mugabe uthi inkokheli yamazwe omhlaba kumele ibumbe umthetho obamba wonke umuntu ukuthi ahlolwe ukuthi ulegciwane lengculaza na, kumbe hatshi.
UMugabe wethule inkuthazo le eseNew York eMelika, ekhuluma lomsakazo kamabonakude wakwele China. UMugabe uthe le yiyo yodwa indlela engenza amazwe omhlaba aphumelele ukulwisa umkhuhlane wengculaza.
Wengeze wathi kaboni sizatho esiqinileyo sokubana kungani lokhu kungenziwa, esithi ikhona imikhuhlane efana lesmallpox engasabulali abantu ngobunengi ngoba bebanjwa ngamandla ukuhlolwa ukuthi kabalayo na.
Ukuhlaziya udaba lolu uNtungamili Nkomo weStudio 7 uxhume uDokotela Joshua Sibanda loNkosikazi Joyce Dube.
