Ihofisi yenhloko kahulumende isigcizelele ukuthi uMnu. Morgan Tsvangirai uselobole uNkosazana Elizabeth Macheka. NgoMvulo uTsvangirai ubikwa azise uMongameli Robert Mugabe ukuthi uMacheka-Gama usengumkakhe ngokusemethethweni.
Isikhulumi sikaTsvangirai, uMnu. Luke Tamborinyoka utshele iStudio 7 ukuthi uNkosazana Macheka wethekelele emzini kaTsvangirai eBuhera ngeviki edluleyo lapho okuqhutshwe khona imfanelo zesiko lesintu ezikhomba ukuthi usengumalukazana ngempela walelokhaya.
UMnu. Sam Siphepha Nkomo, ilunga ledale lasebekhulile kulelibandla, iCouncil of Elders utshele uSithandekile Mhlanga weStudio 7 ukuthi isenzo sikaMnu. Tsvangirai siyabukeka kakhulu, njalo bakhangelele ukuthi uMacheka akhaphe uTsvangirai kuhambo lweChina ngolweSihlanu.