Abasekela uMnu. Arthur Mutambara umsekeli wenhloko kahulumende sebekhethe uNkosazana Nomalanga Khumalo omela Umzingwane edale lephalamende ukuthi akhokhele lelibandla.
Lokhu kuvezwe nguNkosazana Khumalo emhlanganweni lentathelizindaba eHarare. Icele leMDC elikhokhelwa nguMnu. Welshman Ncube lazise liviki ukuthi lilakho ukumxotsha uMakhumalo ngoba edlelana lecele leMDC elikhokhelwa nguMnu. Morgan Tsvangirai.
NgolweSine khona amalunga edale lephalamende avele kumabandla ehlukeneyo amanyene asuka kudale lephalamende beyangisa uNcube obesethula imbiko yogatsha lwakhe olwamafekitali besola imbiko yokuthi usefuna ukuxotsha uMakhumalo kubandla.
UMakhumalo uthe semahlanu amalunga edale lephalamende asesuke kubandla likaNcube.
UChris Gande weStudio 7 uxoxe lomsekeli wecele leMDC eselikhokhelwa ngumaKhumalo, uMnu. Younger Moyo ukuze sizwe okunengi ngomhlangano wangolweSihlanu. UGande uphinde waxoxa lengcwethi ecubungula ezombusazwe, uMnu. Effie Dlela Ncube behlaziya lolu daba.lokucezuka kweMDC evele incane.
