Ibandla leZanu PF liphakathi kokufuthelana kulandela ingxabangxoza ebangelwe nguNkosikazi Grace Mugabe lokungaphatwa kwaloludaba lidale le Politburo ngeviki edluleyo.
Lokhu kulandela njalo umbuthano owenziwe ngumsekeli kamongameli, uNkosikazi Joice Mujuru ngempelasonto ethakazelela ukuthola kwakhe isicoco semfundo yaphezulu, iPhD.
Inkokheli yeZanu PF ebikulumbuthano ibalisa owayengumphathintambo wezemfundo yaphezulu, uMnu. Sikhanyiso Ndlovu, laboMnu. Rugare Gumbo, Webster Shamu, Munacho Mutezo Amos Midzi lo Themba Mliswa.
Esethula amazwi akhe kulumbuthano, uMujuru uthe ukungezwani okusebandleni leli kulakho ukubangela ukungqotshwa kukhetho lomnyaka ka 2018 nxa lingamanyananga.
Ibandla leZanu PF libikwa lilamaxuku amabili, elinye lisekela uMujuru kuthi elinye ngelibikwa lisekela uMnu. Emmerson Mnangagwa. Amazwi ka Mujuru lanxa abengela gama likaNkosikazi Mugabe oyenze imihlangano ilizwe lonke esithi uMujuru katshiye umsebenzi wokuba ngumsekeli kamongameli welizwe, inengi liwathethe njengesicebiso sokuthi atshiyane lomkhuba wokudabula ibandla phakathi.
Ibandla leZanu PF likhangelelwe ukwenza umhlangano lihlaziya amazwi kaNkosikazi Mugabe ngoLwesithathu. Ke sizwe amazwi kaNkosikazi Mujuru:
Ukuhlaziya amazwi kaNkosikazi Mujru, uChris Gande weStudio Seven uxoxe lengcwethi ecubungula ezombusazwe, uMnu. Walter Nsungunguli Mbongolwane.