amalinks wokungena

Breaking News

Uqhubeka Evalelwe uNkosikazi Lynette Karenyi weMDC-T


Ummeli weChimanimani West edale lephalamende uNkosikazi Lynette Karenyi, obotshwe ngeviki edluleyo esetheswa icala lokuhlambaza uMongameli Robert Mugabe ngokuthi uyisitabane, ulokhu evalelwe esitokisini.

UKarenyi lilunga leMDC ekhokhelwa nguMnu Morgan Tsvangirai. Ngeviki edluleyo umiswe phambi komthethwandaba kamantshi eMutare wavunyelwa ukuhlawula imali yesibambiso ukuze akhululwe.

Kodwa umtshutshisi uphange wasebenzisa uSection 121 weEvidence Act ukuvimba ukukhululwa kwakhe.

Umthetho lo uvumela umtshutshisi ukuba eqhubeke evalele umsolwa okweviki esadinga ubufakazi kumbe esadinga ukuphikisa isinqumo sokumkhulula kudale eliphezulu.

Umsekeli wesikhulumeli seMDC ekhokhelwa nguMnu Morgan Tsvangirai, uNkosazana Thabitha Khumalo uthi bayakusola kakhulu ukuhlukuluzwa kwamalunga abo ngamapholisa.

XS
SM
MD
LG