Amapholisa athi osanda khethwa ukuba ngumphathintambo wezenzakala elizweni, uNkosikazi Theresa Makone lomphathintambo wezenzakala emahofisini kamongameli, uMnu. Didymus Mutasa bephule umthetho ngokuzama ukukhulula izibotshwa estokisini. UMakone owebandla le MDC elikhokhelwa nguMnu. Morgan Tsvangirai ubikwa ehambe estokisini seMbare ngoLwesithathu elomutasa owebandla leZanu PF befuna ukuyakhulula umntaka Mutasa, uMartin ndawonye lomzukulu kaMutasa, uThemba Mliswa. Ababili laba babotshwa labanye ngemva kokwetheswa icala lokuthathela usomabhizimusi omhlophe amashares enkampani yakhe. UChris Gande weStudio 7 uxoxe lengcwethi ecubungula ezomthetho, uMnu. Job Sibanda othi abaphathintambo laba bekumele babotshwe.
UNkosikazi Theresa Makone weMDC Uzama Ukukhulula Umntwana kaDydimus Mutasa weZanu PF
- Chris Gande
UMakone usanda khethwa ukuba ngumphathintambo wezenzakala elizweni