USam Mtukudzi, indodana kaOliver Mtukudzi umculi odume okwamagama, obhubhe NgoMvulo engozini yemotha uzangcwatshwa ngolweSithathu emathuneni eWarren Hills eHarare. USam okade ehamba lomngane wakhe uOwen Chimhare obetshayela imotha bahle bafela khonapho ekuphumeni okwenze imotha abakade behamba ngayo emgwaqweni yayatshayeka ebholohweni eliseduzane langakibo emzini weNorton. AbakoMtukudzi bakhethe ukungayi ngcwaba uSam ekhaya kibo eMt Darwin ukuze bambeke bendawonye lomngane wakhe uOwen eceleni kwakhe.
USam ubenze loluhamba esiyathatha uyise egcekeni lendizamtshina eHarare, kodwa waphenduka engamtholanga ngoba ubengasezi lelo langa. Uyise ubikwa esezisola ukuthi angabe enguye obulalise umthanakhe ngokungamtsheli ngokuphangisa ukuthi abaseyi kuza ngaleyo ndizamtshina ngalelo langa.
Uzulu waseZimbabwe oselizweni lophandle kwelizwe utshengise ubuhlungu obukhulu ngokulahlekelwa ngumculi obe thembisa kangaka njalo engumngane wabanengi.
UEzra Tshisa Sibanda umsakazi odume kakhulu eZimbabwe laseNgilande, osebenze labakoMtukudzi okwesikhathi eside uchasisa ngokudabuka inhliziyo ngemfa kaSam wathi ayisibo bakoMtukudzi abalehlekelweyo kodwa imuli yonke yeZimbabwe ngoba lumfana ubethembisa ukuba uzodlulisela phambili ilifa lesipho sokucula likayise.
